Da musikalische Heabst – oda des End vom Summa – hedad eigentlich a recht dunkle Wön sei soin. Augfaungt hods mit Denuit, an französischn Elektro/Goth Duo. Wor a solide. Zwoa Wehrmutstropfn hods gebn: Es hod grengt bam Hamgeh. Und daun woitad da Herzkönig a Band unterstützn und hod an Hoodie kafft, vermeintlich in seiner Gress… daham hod a gseng, dass eam an XS audraht ham. Najo. jetzt hod da klane Prinz an Hoodie. Mit Schwoaz kaun ma nie ned fria gnua aufaunga.

Allie X wor Wöd. Mea kau und braucht ma ned dazua sogn.

Und daun gings ind Unter, ah na ind Schattenwöd. S Festival hod zwoa Tog dauert. Vo In Strict Conficence hob i jetzt ned so vü kennt, aussa seven lives. Owa hod ma insgesaumt e a guad gfoin und [:SIDT:] hod meine Erwortungen bei weitn übertroffen.

De schwoaze Wön is eigentlich nur durch a Hoppala, oiso den ned eiplantn Peda Cornelius, unterbrochn worn. I sogs glei, i hob mi überredn lossen. A bissl vü bittn hod a si lossn, voa de Zugobn, owa sunst woas guad so wias woa.

Fian Peda C. brauchst Di ned zu scheniaren, der is a Guada. Amoi muass da Mensch eahm leif gsehn hom… (Ich sogar mehr als einmal, aber das letzte Mal ist auch 15 Jahre her.)
Na genieren dua i mi e ned. Er wor damals auf vielen meiner selbst aufgenommenen Mixtapes oben. Du entschuidige … bis zum Calafati… den er gor ned gspüd hod. Sowos. I bin halt nicht so ein Fan von den Sitzkonzerten in der Stadthalle… das trübt den Gesaumteindruck.