mei hompeitsch – was als papablog begann…
News und Stories vom Herzkönig, der Herzkönigin und dem kleinen Prinzen
Erstes Moi midn Nochtzug, muads Abenteuer mid wenig Schlof.
In Berlin gabs Museen, Chün, Konzertal und natiali gings zum ehemoligen Flugplatz Tempelhof und ans End von Berlin, nach Gatow, duatn gibts a militärhistorisches Museum der Bundeswehr. Duatn steht de Sammlung der Luftwaffe und es gibt kostenfrein Eintritt.
Geschichte, guads Essn und bayrisches Bier, vü Luther, vü Denkmäler, Buag, Spüplotz, Museum, Konzert, Gurken-Alex, … des woa Coburg.
Daun wor do du Dick Brave. Da Zufoi woite es, das ma do nu Koatn kafft haum. Oiso gings ind Arena. Da kloane Prinz hod a midmessen und hod si Gschichten vo früher aunhean messn. Vom Taunzbärn in da Arena. Da kloane Prinz is olladings koa Taunzbär und hod es vorzogn, si ins Arena Beisl zu setzn und duatn Fuaßboi zan spün.
Voa 22 Joa hod des im Rockhaus – woss a nimma gibt – so ausgschaut:
Da Summa wor in dem Joa ziemlich guat, oiso musikalisch gseng. Und er is ziemlich schnö vergaunga.
Auf da Donauinsl hob i do und duatn a bisl zuaghorcht. Bewusst hob i ma Dominique Jardin ausgheart. Des wor bummvoi und do wors nochher wirkli schwa, do aus dera Menge wieda aussa zan keima.
Wesentlich entspaunter wors am Popfest am Korlsplodz mit Marianne Mendt – jazzig – und Anna Buchegger – klass.
In der Berliner Wuhlheide gings dann zu Alligatoah. De Wuhlheide is a richtig schene Konzertarena, ma siacht a mid Kids von oben guad owi. Der Sound wor in dem Joa ned so bsunders. Des hod vielleicht a mid meim Handy zdoadn ghobt. Wei ba de Videoaufnahmen, die i vom Konzert gmocht hob woa immer irgendwie a komplett aundana Ton zan hean. Ois ob ma do irgendwer a komplett aundane Musi einigspüd hedad. Najo, Berlin, Stodt der Spione?
Am End vom August gings daun a nu noch Coburg. Warum grod Coburg? Weil mas kau. Obwoi, Coburg is a richtig nette Stadt, hod an weitläufign Park mit schönen Spielplätzen und a ordentliche Burg. Und Santiano hod do a gspüd. Solides Konzert und den Oitasschnitt hamma a ordentlich gesenkt.
Jössasna. In dem Joa hod da Herzkönig ned nua des 30-jährige Klassentreffen vom Zwedla Gym begaungen, na… a de großortige Rainbowparty is 30 Joa her. Und des mid großortigen Video-DJs… gö Menc?
Owa da Verein Hoarfee gfreid si hoffentlich üwa de Bischl Hoa und mocht de Kids a scheene Peruckn draus.
Des zweite Heft in dem Joa beschäftigt si unter aundam mit dem Neiaunfaung eines ehemoligen SA-Brigadeführers in Deutschlaund unter an neichen Naumen. Mea dazua…. auf der WHB-Seitn.
Österreichs Spuren in Amerika, vo de Habsburger bis zan Tramp hoast a Sendung vom ORF. De is übrigends do in da Mediathek nu zan seng. Und ma kau sogn, Ehre wem Ehre gebührt, ba da Minutn 33 wurdn zwoa Seiten aus meiner Diss obbüdelt. Und wenig späder wiad de Gutenbergbibel zoagt. Oiso, des muast a amoi schoffn.
Im 19. Joahundert san Millionen aus Europa noch Amerika ausgwaundert und haum auf a besseres Lebn ghofft. Mi hod interessiert, wer hod si um de kümmert und daun bi i auf den St. Raphael-Verein aufmerksam gmocht wordn. Er hod a internationales Netzwerk aufbaut, de ned nur a rein seelsorglich orintierte hilfseinrichtung wor.
Ajo fois wen interessiert, mei Diss ausm Joa 2005 gibts in beispüsweise in da Uni-Bibliothek, a bor Joa speda daun a ois Biachl
„Und wir sollen es zulassen, dass unsere Landsleute verkauft und verschachert werden? Katholisches Engagement für Emigranten der Habsburgermonarchie in der ‚Alten‘ und ‚Neuen‘ Welt 1880-1918“, Diss Univ. Wien 2005
Der österreichische „St. Raphael-Verein“ zum Schutze der Auswanderer: katholisches Engagement für Emigranten der Habsburgermonarchie in der „Alten“ und „Neuen“ Welt (1880–1918). Saarbrücken: Südwestdt. Verl. für Hochschulschriften, 2009.
Wea aufn Google nu wos suacht is vermutlich ohnehin in da Minderheit, wei auf überprüfbore Webseiten wiad ma seit geraumer Zeid goa nimma geleitet. Da Trend geht in Richtung KI-Auntworten.
Den Vogl haums owa in de letzten Tog obgschossen, wenn ma ois Rapidler noch Rapid suacht feiert da Google Rapid ois Moasta. Entweder is des ois Nochitreten auf am Boden liegende Rapidler zu verstehen und ma muas Google a nu auf Schmerzensgöd verklogen. Oder de sauffan? Nua wos? Zumnidest ans woas ma: Austriana hackeln ned ba Google!
Und bittgorschee wer kaun, aun Google weitersogn: da LASK is Moasta woan.
Da Herzkönig is jo scho imma scho a Fan gwesen von übernatürlichn Phänomenen. Mit Alf im Fernschaun hod des augfaungt und mit Agent Scully gings weida.
In letzter Zeit gibts olladings schau Sochen, de scho irgendwie passen, owa wia des zstaund kummt, is unerklärlich.
Augfaungt hods, das si da Herzkönig im Kino den Füm Ein Münchner im Himmel augschaut hod. De Gschicht is seicht, owa der Füm hod seine Höhen und vor ollem emotionale Momente. Fost san de Augal vo de bor Kinohansln feucht worn. Und trotz der afochn Gschicht wor er unterhaltsam und es wuadt am ned laungweilig. Und de Musi is a guad. Und Ina Müller is Gott. Owa des haumma e scho imma gwusst.
Owa, seid i ausn Kino aussagaunga bin, griag i so a komische Werbung vo verschleierte christliche (Jung?)frauen, de unbedingt wos mid mia aufaunga woin. Wia geht des? Und wöchan Füm muas i s nexte Moi schaun, das des wieder weggeht?
